"Yeni Mirvari 13" sürətli sərnişin katerinin sınaqları başa çatıb
Çinin "AFAI Southern Shipyard" gəmiqayırma şirkəti Honq Konqda fəaliyyət göstərən "Sun Ferry" operatorunun sifarişi əsasında inşa edilən yeni nəsil sürətli sərnişin katerinin dəniz sınaqlarını uğurla tamamlayıb.
"Seanews.az" xəbər verir ki, "Xin Ming Zhu XIII" (“Yeni Mirvari 13”) adlanan gəmi 2024-cü ildə "Sun Ferry"-ə təhvil verilmiş "Xin Ming Zhu VIII" ilə eyni seriyaya aiddir.
Tamamilə alüminiumdan hazırlanmış katerin ümumi uzunluğu 44,8 metr, eni 11,1 metr, suya oturumu 1,37 metr, dərinliyi isə 3,4 metrdir. Gəminin heyəti 5 nəfərdən ibarətdir.
Gəmi maksimum 500 sərnişin daşıma qabiliyyətinə malikdir.
"Xin Ming Zhu XIII" bərəsinin bu ilin sonunadək "Sun Ferry"-ə təhvil verilməsi planlaşdırılır.
© Materiallardan istifadə edərkən hiperlinklə istinad olunmalıdır
