Cənubi Koreya Hərbi Dəniz Qüvvələri üçün inşa olunan yeni esmines suya buraxılıb
"HD Hyundai Heavy Industries" (HHI) sentyabrın 17-də Ulsanda “Dasan Jeong Yak-yong” adlı yeni esminesin suya buraxılması mərasimini keçirib.
"Seanews.az" xəbər verir ki, gəminin 2026-cı ildə təhvili planlaşdırılır.
HHI-nin açıqlamasına əsasən, uzunluğu 170 metr olan bu esmines qabaqcıl Aegis döyüş sistemi ilə təchiz olunub. Yeni sistem əvvəlki “Sejong the Great” sinifli esmineslərlə müqayisədə hədəfləri aşkarlama və izləmə imkanlarını iki dəfədən çox artırır. Gəminin inteqrasiya olunmuş sonar sistemi də sualtı qayıqları aşkar etmə məsafəsini üç dəfədən çox yaxşılaşdırıb.
Müharibə gəmisi adını Çoson sülaləsinin görkəmli filosofu və alimi Dasan Jeong Yak-yongdan alıb.
© Materiallardan istifadə edərkən hiperlinklə istinad olunmalıdır
