"CMA CGM" Çində nəhəng konteyner gəmiləri üçün yeni sifarişə hazırlaşır
Fransanın "CMA CGM" şirkəti donanmasının genişləndirilməsi çərçivəsində növbəti dəfə ultra-böyük konteyner gəmiləri sifariş etməyə hazırlaşır. Bu dəfə razılaşma Çində həyata keçiriləcək.
"Seanews.az" bu barədə "Splash24"-ə istinadən xəbər verir.
Gəmi brokerlərinin bildirdiyinə görə, Marseldə yerləşən daşıyıcı şirkət "China State Shipbuilding Corporation"-a daxil olan "Dalian Shipbuilding Industry Co" (DSIC) ilə niyyət məktubu imzalayıb. Müqavilə altı təsdiqlənmiş və əlavə dörd opsion olmaqla, ümumilikdə 22 min TEU tutuma malik LNG ilə işləyən ikiyanacaqlı gəmiləri əhatə edir.
Rəsmi qiymət açıqlanmasa da, oxşar tipli gəmilərin hər birinin təqribən 220 milyon ABŞ dollarına başa gəldiyi nəzərə alınarsa, "CMA CGM"-in bu müqaviləsinin ümumi dəyərinin 2,1 milyard dollara yaxın olacağı ehtimal edilir.
Hazırda "CMA CGM" 680-dən çox gəmi idarə edir və bu donanma 4 milyon TEU tutumuna malikdir. Şirkətin yaxın illərdə istismara daxil edəcəyi 100-dən çox aşağı karbon emissiyalı yeni gəmi hesabına tutum 1,5 milyon TEU artırılacaq.
Əgər sövdələşmə təsdiqlənərsə, bu, "CMA CGM"-in cari ildə üçüncü iri yeni gəmi sifarişi olacaq.
