“OOCL” gəmiçilik şirkəti yeni meqa konteyner gəmisini təhvil alıb
“OOCL” gəmiçilik şirkəti 24188 TEU tutumlu meqa konteyner gəmisini təhvil alıb. “OOCL Abu Dhabi” adlı gəmi Çinin “Dalian COSCO KHI Ship Engineering” (“DACKS”) gəmiqayırma zavodunda inşa edilib.
“Seanews.az” xəbər verir ki, bu, daşıyıcının 2020-ci ildə “DACKS”-a sifariş etdiyi altı 24 000 tonluq konteyner gəmisindən dördüncüsü və tutumu 24 000 TEU-dan çox olan səkkizinci “yaşıl” konteyner gəmisidir.
“Getdikcə “OOCL”-nin gavalı çiçəyi loqosunu daşıyan daha çox gəmisi dənizə çıxır və bu, “OOCL”-nin donanmasını yeniləməyə davam etdiyini göstərir”, - deyə şirkətdə bildiriblər.
Yeni konteynerdaşıyan Asiya-Avropa marşrutunda (LL1” xidmətində) istismar ediləcək.
© Materiallardan istifadə edərkən hiperlinklə istinad olunmalıdır
