Pakistan üçün 8 sualtı qayıq tikiləcək
Kəraçi Gəmiqayırma Zavodunda (“Karachi Shipyard and Engineering Works”) Pakistan Hərbi Dəniz Qüvvələri üçün ikinci “Hangor” sinifli dizel-elektrik sualtı qayığın (Tip-039B) təməlqoyma mərasimi keçirilib.
“Seanews.az” xəbər verir ki, ümumilikdə, Pakistan və Çin arasında razılaşma seriyalı 8 sualtı qayığın tikintisini nəzərdə tutur ki, onlardan dördü Çindəki “Wuchang Shipbuilding Industry Group” (“WSIG”) tərsanəsi, qalan dördü isə Pakistandakı “KS&EW” şirkəti tərəfindən tikilməlidir.
“Hangor” sinifli sualtı qayıqlar müxtəlif missiyaları yerinə yetirə və geniş diapazonlu təhdidlərdə uzaq məsafədən hədəfləri vurmağa qadirdir.
Bu, “039A/041” tipi “Yuan” sinifli dizel-elektrik sualtı qayığının ixrac versiyasıdır.
“Hangor” sinifli dizel-elektrik sualtı qayığın uzunluğu 76 metr, eni 8,4 metr və yükgötürmə qabiliyyəti 2800 tondur. Pakistan Hərbi Dəniz Qüvvələri sualtı qayıqların digər keyfiyyətləri haqqında məlumatı açıqlamır.