Bu il təkrar bazarda 630-a yaxın tanker satılıb
2022-ci ilin yanvar-oktyabr aylarında təkrar bazarda 630-a yaxın tanker satılıb.
"Seanews.az" xəbər verir ki, 2021-ci ilin eyni dövründə tankerlərin satışı üzrə 420 əməliyyat, il ərzində isə belə cəmi 510 əməliyyat həyata keçirimişdi.
“Xclusiv Shipbrokers”-in hesabatına görə, təkrar bazarda ən çox əməliyyat “MR” ölçülü gəmilərlə bağlı qeydə alınıb. Belə ki, bu ilin on ayı ərzində dedveyti 25 000 – 54 999 olan 218 tanker satılıb, onlardan 92-nin yaşı 15 ildən çoxdur.
İkinci yerdə kimyəvi tankerlərin alqı-satqısı üzrə əməliyyatlar dayanır. Hesabat dövründə belə 125 gəmi satılıb.
Üçüncü yerdə “Aframax” və “LR2” gəmilərin satışı üzrə əməliyyatlar gəlir: bu günə qədər 120 gəminin sahibi dəyişib. Bu tipli gəmilərin 74-nün yaşı 15 ildən yuxarıdır.
Ekspert təkrar tanker bazarında aparılan əməliyyatlarla bağlı on ayın belə statistikasını verir: 129 buzqıran gəmi sahibini dəyişib (ilin əvvəlindən bütün tanker əməliyyatlarının 20,5%-i). Ötən ilin eyni dövründə 69 buzqıran gəmi satılmışdı. Bundan başqa, bu il buzqıran gəmilərin alqı-satqısı üzrə əməliyyatların 45%-i son üç ayda bağlanıb.