Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2023-02-09,
Seanews
Heyder Eliyev

Uzaq səfərlərdə” filmi təqdim ol

Azərbaycan öz müstəqilliyini bərpa etdikdən sonra Dövlət Bayrağı milli suverenliyin rəmzi kimi ölkəmizin bütün vətəndaşları üçün müqəddəs simvola çevrilib. Bu bayraq bizim  milli-mənəvi dəyərlərə, ümumbəşəri ideyalara sadiqliyimizi göstərir. Məhz, Azərbaycan Respublikasının Dövlət Bayrağı Günü bayramı ərəfəsində təqdim olunan  “Uzaq səfərlərdə” adlı film də Xəzərdən kənarda, xarici sularda müqəddəs bayrağımızı qürurla daşıyan gəmilər və cəsarətli dənizçilərimizdən bəhs edir.    Filmdə  “Azərbaycan Xəzər Dəniz Gəmiçiliyi” Qapalı Səhmdar Cəmiyyətinin xarici sularda üzən gəmilərinin fəaliyyət  coğrafiyası haqqında ətraflı məlumat verilib. Qeyd edək ki, donanmamızın xarici sulardakı fəaliyyətinə ara verildiyi vaxtlar da olub. Dənizçilərimiz düz beş il müstəqil Azərbaycanın üçrəngli bayrağının uzaq sahillərdə yenidən dalğalanacağının intizarını çəkiblər. Onların intizarına “Azərbaycan Xəzər Dəniz Gəmiçiliyi” QSC yarandıqdan sonra bidəfəlik son qoyulub. Belə ki, 2014-cü ildə Azərbaycan  Prezidenti  İlham Əliyevin tapşırığına əsasən  Gəmiçilik “Üzeyir Hacıbəyli” və “Natəvan” gəmilərinin alınması ilə Xəzərdən kənarda fəaliyyətini bərpa edib. Artıq  üç rəngli bayrağımızın qürurla dalğalandığı gəmilər Aralıq, Qara dənizlərdə yerləşən onlarla limana yan alır. Vacib beynəlxalq su nəqliyyat arteriyaları ilə yüklər daşıyır. Sözsüz ki, ölkəmizə xarici valyutanın gətirilməsində və ümumilikdə gəmiçiliyin inkişafında bu amil mühüm əhəmiyyət kəsb edir. Gəmilərimizin xarici sularda daha səmərəli istismarını “Azərbaycan Xəzər Dəniz Gəmiçiliyi” QSC-nin Türkiyədə təsis etdiyi “Caspdry” və “Casptankers” adlı iki  yeni şirkət həyata keçirir.  “Caspdry” quru, “Casptankers” isə maye yüklər daşıyan gəmilərin  istismarı ilə məşğul olur. Hər iki şirkət dünyanın tanınmış təsnifat cəmiyyətlərindən olan Amerika Gəmiçilik Bürosunun (ABS) İSM-in tələblərinə uyğunluğu təsdiqləyən sertifikatına malikdir. Donanmasının yenilənməsinə xüsusi diqqət yetirən “Azərbaycan Xəzər Dəniz Gəmiçiliyi” QSC xarici sularda üzən gəmilərin sayını, onların üzmə coğrafiyasını artırmaqda davam edir. Buna bariz nümunə isə Qara dəniz, Azov dənizi, Aralıq dənizi hövzələrində yükdaşıma əməliyyatları zamanı istismar olunacaq “Professor Əziz Əliyev” tankerinin alınmasıdır. “Azərbaycan Xəzər Dəniz Gəmiçiliyi” QSC Xəzərdən kənarda daha da möhkəmlənmək məqsədini gerçəkləşdirdikcə, milli donanmamızın səfər coğrafiyası da genişlənəcək. Həm yad sularda bayrağımızı qürurla dalğalandıran gəmilərimizin, həm də gəmilərin yan aldıqları limanların sayı artacaq. Ən əsası, harda üzməsindən asılı olmayaraq  dor ağacında  dalğalanan üçrəngli bayrağımız olan gəmilərimiz  bundan sonra da yurdumuzun bir parçası sayılacaq.   


© Materiallardan istifadə edərkən hiperlinklə istinad olunmalıdır