netin ən böyük balıq bazarı tarixi məkanı ilə vidala
Yaponiyanın paytaxtı Tokioda yerləşən dünyanın ən böyük dəniz məhsulları və balıq bazarı olaraq tanınan “Tsukiji” 83 illik tarixi məkanı ilə vidalaşıb. “Seanews.az” xəbər verir ki, bazarda son satış bu sabah gerçəkləşib. “Tsukiji “ 11 oktyabrdan yeni məkanda – Toyosuda fəaliyyətini davam etdirəcək. 1935-ci ildə açılan “Tsukiji” bazarında 400 növdən çox balıq və digər dəniz məhsulları satılır. Yaponiyanın simvollarından sayılan bazar və ətrafındakı restoranlar hər gün yüzlərlə turistə xidmət edir. Yaponiyada balıq və dəniz məhsulları ilə topdansatış ticarətinin 87 faizi “Tsukiji” bazarının payına düşür. Bazarda gün ərzində 2000 ton balıq və dəniz məhsulu satılır. Qeydiyyatdan keçmiş işçilərin sayı isə 60 min ilə 65 min arasında dəyişir.
