"Capesize" bazarında satışlar və sifarişlər kəskin azalıb
"Capesize" gəmi bazarında alqı-satqı əməliyyatları 2024-cü illə müqayisədə təxminən 48% azalıb.
"Seanews.az" xəbər verir ki, ötən il 89 "Capesize" satıldığı halda, bu il bu rəqəm 46-ya düşüb. Satılan gəmilərin orta yaşı da 12-dən 16-ya yüksəlib. Bu da donanmanın yenilənməsində yavaşlama olduğunu göstərir.
"Veson Nautical" şirkətindən Rebekka Qalanopulosun təhlilinə görə, donanma yaşlansa da, 2025-ci ildə cəmi iki "Capesize" gəmi utilizasiyaya göndərilib.
"Capesize"-nin aylıq kirayə haqları hazırda gündə 19.000 ABŞ dollarından bir qədər azdır. Bu da illik əsasda təxminən 22% azalma deməkdir.
Yeni "Capesize" sifarişləri də ötən ilə nisbətən 33% azalıb, 2025-ci ilin əvvəlindən bu günə qədər cəmi 18 gəmi sifariş olunub və onların təxminən 61%-i Çin tərsanələrində inşa edilir.
Zəif alqı-satqı, aşağı utilizasiya və azalan sifarişlər donanmanın gələcək təchizatında daralma riskini artırır. Bu tendensiyalar həm gəlir, həm də aktiv dəyərlərində dəyişikliklərin mümkünlüyünü göstərir.
