Çində çoxrejimli dəniz müşahidə sistemi hazırlanıb
Yeni sistem gəmiləri 360 dərəcəli görüntü ilə təmin edir. Bu da qaranlıqda, dumanda və digər çətin şəraitdə təhlükəsizliyi əhəmiyyətli dərəcədə yaxşılaşdırır.
“Seanews.az” bu barədə “Sinxua” agentliyinə istinadən xəbər verir.
Harbin Mühəndislik Universitetinin İntellektual Sistemlər Elmi və Texnologiyası İnstitutunun dekanı Sai Çentaonun jurnalistlərə verdiyi məlumata görə, dünya ticarəti dəniz nəqliyyatından çox asılıdır, getdikcə sıxlaşan gəmiçilik marşrutları gəmilərin toqquşması riskini artırır.
Adi iki və ya üç kamera ilə təchiz edilmiş gəmi sistemləri yalnız 120 dərəcəli görüntünü təmin edir.
Çin universitetinin mütəxəssisləri tərəfindən 14 illik tədqiqatlar nəticəsində dəniz səthinin və dəniz mühitinin müşahidəsi üçün hazırlanmış innovativ sistem 8-12 kamera ilə iki modullu dizayna malikdir.
