“Wallenius Wilhelmsen” Yaponiya limanında öz avtomobil daşıyıcısına bioyanacaq qəbul edib
İsveç-Norveçə məxsus nəqliyyat və logistika şirkəti “Wallenius Wilhelmsen” “Orcelle Accelerator” ilə birlikdə Yaponiyanın Yokohama limanında öz gəmisinin bioyanacaqla ilk bunkerini həyata keçirib.
“Seanews.az” xəbər verir ki, “Tasamesis” avtomobil daşıyıcısı B24 markalı 400 ton bioyanacaq qarışığı (az kükürdlü mazut) qəbul edib.
Yanacaq Yaponiyanın “Mitsubishi Corporation Energy” şirkəti tərəfindən təmin edilib. Baş icraçı direktoru Mitsuo Uedanın qeyd etdiyi kimi, “artan tələbat ərəfəsində” şirkət Onahama neft terminalında bioyanacaq yığmağa və B24 qarışığını öz barjları ilə Tokio körfəzinə göndərməyə başlayıb.
İstixana qazlarının emissiyalarını azaltmaq planlarına uyğun olaraq, “Wallenius Wilhelmsen” 2023-cü ildən etibarən bioyanacaq bunker məntəqələri şəbəkəsini genişləndirir. Belçika, Cənubi Koreya, Sinqapurdakı limanların daxil olduğu şəbəkəyə indi Yaponiya limanları da qoşulub.
Nəqliyyat və logistika şirkəti 2040-cı ilə qədər emissiyaları sıfra endirmək planlarını açıqlayıb. Bunlara yanacağın həyat dövrünün bütün mərhələlərində emissiyaların ümumi miqdarının 2022-ci il səviyyəsindən 2030-cu ilə qədər 40% azaldılması daxildir.
Qeyd edək ki, İsveç-Norveçə məxsus “Wallenius Wilhelmsen” Ro-Ro yüklərinin daşınması ilə məşğul olan və nəqliyyat vasitələri üçün logistika xidmətləri göstərən böyük beynəlxalq şirkətdir. Qrup 15 gəmiçilik marşrutuna xidmət edən 126 gəmidən ibarət donanmaya və 120 emal və paylama mərkəzi və 11 dəniz terminalından ibarət qlobal logistika şəbəkəsinə sahibdir və onları idarə edir.
“Orcelle Accelerator” “Wallenius Wilhelmsen” daxilində bioyanacaq bunkeri üzrə işçi qrupudur.
