“Kongsberg Maritime” və “Noble Corporation” strateji əməkdaşlığa başlayır
“Kongsberg Maritime” və “Noble Corporation” dənizdə qazma texnologiyaları sahəsində əməkdaşlıq barədə strateji müqavilə imzalayıblar.
“Seanews.az” xəbər verir ki, uzunmüddətli tərəfdaşlıq proqramı çərçivəsində müasir dəniz texnologiyalarının birgə hazırlanması, sınaqdan keçirilməsi və maliyyələşdirilməsi nəzərdə tutulur.
İlk pilot layihənin bu ilin sonuna kimi “Noble Sam Croft” qazma gəmisində reallaşdırılması gözlənilir. Layihə “Kongsberg”-in texnologiya portfeli ilə “Noble”-in 21 müasir qazma qurğusundan ibarət donanmasının imkanlarını bir araya gətirəcək.
“Kongsberg Maritime”-ın qlobal müştəri dəstəyi üzrə vitse-prezidenti Jouni Raatikainen bildirib ki, bu razılaşma enerji keçidində etibarlı tərəfdaş olmaq öhdəliyimizi göstərir. Birgə innovativ həllər təhlükəsizlik və səmərəliliyi artırmaqla yanaşı, dayanıqlılıq məqsədlərinə də töhfə verəcək.
