A doktorantura və dissertanturaya qəbul elan
“Azərbaycan Xəzər Dəniz Gəmiçiliyi” QSC Azərbaycan Dövlət Dəniz Akademiyası 2018-ci il üçün fəlsəfə doktoru hazırlığı üzrə doktorantura və dissertanturaya aşağıdakı ixtisaslara qəbul elan edir: 1 3319.03 -“Gəmiqayırma və gəmi təmiri texnologiyası” doktoranturaya – 2 yer (odənişli ) dissertanturaya – 1 yer (odənişli ) 2 3319.01 – “Gəmiçilik texnikası” doktoranturaya – 2 yer (odənişli ) dissertanturaya – 2 yer (odənişli ) 3 3319.02 – -“Gəmiçilik və su nəqliyyatının istismarı” doktoranturaya – 1 yer (odənişli ) 2018-ci il üçün elmlər doktoru hazırlığı üzrə dissertanturaya aşağıdakı ixtisasa qəbul elan edir: 3319.03 – “Gəmiqayırma və gəmi təmiri texnologiyası” – 1 yer (odənişli ) Doktoranturaya və dissertanturaya qəbul Azərbaycan Respublikası Nazirlər Kabinetinin 01 iyul 2010-cu il tarixli 129 nömrəli qərarı ilə təsdiq edilmiş “Doktoranturaların yaradılması və doktoranturaya qəbul Qaydaları” na uyğun olaraq həyata keçirilir. Doktorantura və dissertanturaya ali təhsili olan (ali təhsil pilləsinin magistratura səviyyəsini bitirən, yaxud təhsili ona bərabər tutulan) Azərbaycan Respublikası vətəndaşları qəbul edilirlər. Doktoranturaya və dissertanturaya qəbul üçün aşağıdaki sənədlər təqdim edilir: – ərizə (Azərbaycan Dövlət Dəniz Akademiyasının rektorunun adına); – kadrların şəxsi-qeydiyyat vərəqi; – tərcümeyi-hal; – 3 ədəd fotoşəkil (3x4sm ölçüdə) – iş yerindən xasiyyətnamə (işləyənlər üçün); – iş stajı olanlar üçün əmək kitabçasından çıxarış; – çap olunmuş elmi işlərin siyahısı (forma 2.4) və ya seçilmiş ixtisas üzrə referat; – ali təhsil müəssisəsini bitirmək haqqında diplomun müvafiq (notarial) qaydada təsdiq edilmiş surəti (xarici ölkələrdə təhsil almış Azərbaycan Respublikası və xarici ölkə vətəndaşları üçün təhsil haqqında sənədlərin tanınması barədə şəhadətnamə); – şəxsiyyəti təsdiq edən sənədin surəti. Doktoranturaya fəlsəfə doktoru proqramı üzrə qəbul olunmaq istəyənlər ixtisas fənnindən, xarici dildən və fəlsəfədən ali təhsil pilləsinin magistratura səviyyəsi üçün qüvvədə olan tədris proqramları həcmində qəbul imtahanları verirlər. Dissertanturaya qəbul olunmaq istəyənlərlə müsabiqə keçirilir. Dissertant kimi təhkim olunmaq istəyən şəxslər elmi və elmi-pedaqoji iş stajına malik olmalıdırlar. Elmlər doktoru proqramı üzrə doktoranturaya seçdikləri sahədə elmi və ya elmi-pedaqoji nailiyyəti olan, fundamental tədqiqatları yüksək səviyyədə aparmağa qadir və “Fəlsəfə doktoru” və ya “Elmlər namizədi” elmi (alimlik) dərəcəsi olan və buna uyğun diplomun müvafiq (notarial) qaydada təsdiq edilmiş surətini təqdim edən Azərbaycan Respublikasının vətəndaşları qəbul edilir. Həmin şəxslərlə müsahibə keçirilir. Sənədlər 31.01.2018-ci il tarixədək Bakı şəhəri, Zərifə Əliyeva küçəsi, 18 ünvanında yerləşən Azərbaycan Dövlət Dəniz Akademiyasının əsas binasında (207-ci otaqda) qəbul olunur. Tel.:(012) 493-36-44 (113) , (012) 493-63-07
