Buzla toqquşduqdan sonra laynerin səfərləri dayandırılıb
“Norwegian Sun” kruiz gəmisi keçən şənbə günü Hubbard buzlaqının ətrafında təxminən 2000 sərnişinlə səyahət zamanı kiçik aysberqə dəyib.
“Seanews.az” xəbər verir ki, “Norwegian Cruise Line” şirkəti əvvəlcə hadisəni kiçik toqquşma kimi qeyd edib. Bununla belə, “Norwegian Sun” Skaqueyə planlaşdırılan səfəri buraxıb və bazar günü Junoya yola düşüb.
Şirkət həftə sonu verdiyi açıqlamada hadisənin “Norwegian Sun” ətrafında qalın dumana görə zəif görmə səbəbindən baş verdiyini bildirib. Bununla belə, şirkətin mətbuat xidməti gəminin “istismara tam yararlı vəziyyətdə” olduğunu və gövdənin zədələnməsinə görə yoxlanılacağını bildirib.
Bəzi sərnişinlərin sözlərinə görə, zərbədən sonra "gəmidə güclü silkələnmə olub" və "gəmi bir qədər əyilib".
46 il əvvəl qurulan “Norwegian Cruise Line” şirkəti 11 xüsusi kruiz gəmisini idarə edir.
