Türkiyədə Qara dənizdən qaz hasilatı üçün hazırlıqlar davam edir
Türkiyədə Qara dənizdə aşkar olunan təbii qaz yataqlarından mavi yanacağın hasilatına başlanılması üzrə aparılan hazırlıq işləri davam etdirilir.
Bu barədə ölkənin enerji və təbii ehtiyatlar naziri Fatih Dönməz sosial şəbəkə səhifəsində məlumat verib.
O bildirib ki, 2022-ci ilin yaz aylarında Qara dəniz qazının hasilatı üçün dəniz dibinə döşənəcək boruların istehsalına başlanılıb.
Nazir boru xəttinin 169 km uzunluğunda olacağını da qeyd edib.
Oxu.az
© Materiallardan istifadə edərkən hiperlinklə istinad olunmalıdır
