Aralıq dənizində gəmi batıb
Toqoya məxsus “Dana Trader” adlı gəmi Aralıq dənizində batıb.
“Seanews.az” xəbər verir ki, hadisə zamanı həlak olan və itkin düşən var.
Məlumata görə, hadisə Abu-Kir limanından 15 dəniz mili aralıda, şimal tərəfdə qeydə alınıb. Üzən vasitə İsgəndəriyyədən Beyruta səfər edən zaman qəzaya uğrayıb.
Axtarış-xilasetmə əməliyyatı nəticəsində heyətin 9 nəfər üzvü xilas edilib. Misirin Hərbi Dəniz Qüvvələri bir nəfərin meyitini aşkar edib. İtkin düşmüş daha bir nəfərin axtarışları hazırda davam edir.
Hadisənin başvermə səbəbləri hələlik məlum deyil.
© Materiallardan istifadə edərkən hiperlinklə istinad olunmalıdır
