Türkiyə Qara dənizdə kəşfiyyat quyusunun qazıntısına başlayıb
Türkiyənin ilk yerli kəşfiyyat-axtarış qazma gəmisi “Fatih” Qara dənizdəki “Sakarya” yatağının “Türkali-1” quyusunda qazma işlərinə başlayıb. Bu işlər 75 gün davam edəcək.
Bu barədə Türkiyənin enerji və təbii sərvətlər naziri Fatih Dönmez bildirib.
Xatırladaq ki, Türkiyə tarixinin ən böyük təbii qaz kəşfi bu ilin avqust ayında Qara dənizdə həyata keçirilib. “Fatih” kəşfiyyat gəmisi “Sakarya” yatağındakı “Tuna” kəşfiyyat quyusunda 320 milyard kubmetr təbii qaz ehtiyatı aşkarlayıb.
© Materiallardan istifadə edərkən hiperlinklə istinad olunmalıdır
