“Royal Caribbean Cruises” kruiz xəttinin yaradıcısı vəfat edib
Müasir kruiz sənayesinin inkişafına ciddi təsir göstərmiş “Royal Caribbean Cruises” xəttinin yaradıcısı Arne Vilqelmsen 90 yaşında vəfat edib.
"Seanews.az" xəbər verir ki, Arne Vilhelmsen 30 ildən çox şirkətin idarə heyətinin üzvü olub.
O, şirkətin ilk baş direktoru mərhum Edvin Stefan ilə birlikdə kruiz sənayesinin inkişafı üçün əlverişli imkanları müəyyənləşdirib.
Məhz Arne Vilhelmsen və Edvin Stefan isti havalarda kruiz üçün yeni gəmilərin hazırlanmasını təklif edən ilk adamlar olub. Sənaye Mayamidə fəaliyyətə başlayaraq ştatın inkişafına səbəb oldu.
Hazırda şirkət balansında 61 gəmi olan donanmaya malikdir. Bu gəmilərin sırasına dünyanın ən böyük kruzi gəmiləri daxildir. Gəmilər yeddi qitənin limanlarına daxil ola bilir.
© Materiallardan istifadə edərkən hiperlinklə istinad olunmalıdır
