Dəniz quldurları gəmiyə hücum ediblər, 3 nəfər qaçırılıb
Dəniz quldurları Nigeriyanın cənub sahillərində sualtı boru kəmərləri çəkmək üçün istifadə olunan AMBIKA neft gəmisinə hücum ediblər.
Trend-in məlumatına görə, bu barədə "Sahara Reporters" bildirib.
Məlumata əsasən, gəmi heyəti üzvü olan 2 Rusiya və 1 Hindistan vətəndaşı qaçırılıb.
Yanvarın 2-nə keçən gecə baş verən pirat hücumu təcavüzkarlar və təyyarədəki təhlükəsizlik işçiləri arasında atışma ilə müşayiət olunub.
Döyüş zamanı dörd silahlı mühafizəçi öldürülüb, daha iki nəfər yaralanıb.
© Materiallardan istifadə edərkən hiperlinklə istinad olunmalıdır
