Gəmiçilik sahəsində baş verən ən son hadisələrdən anında xəbərdar olmaq üçün bizi izləyin

OK

X

  • Bakı, 2024-04-14,
Seanews
Heyder Eliyev

“Shell” Qırmızı dənizdə gəmilərinin hərəkətini dayandırıb

Böyük Britaniyanın neft-qaz şirkəti “Shell” Qırmızı dəniz vasitəsilə bütün daşımaları qeyri-müəyyən müddətə dayandırmaq qərarına gəlib.

“Report” xəbər verir ki, bu barədə “The Wall Street Journal” qəzeti mənbələrə istinadən yazıb.

Məlumata görə, keçən ay “Shell” şirkətinə məxsus tanker pilotsuz uçuş aparatının hücumuna məruz qalıb və Qırmızı dənizdə husilər tərəfindən təqib edilib. Keçən həftə şirkət növbəti hücumların bölgədə böyük neft sızmasına səbəb və gəmi ekipajlarının təhlükəsizliyinə təhdid ola biləcəyi ilə bağlı bütün tranzit daşımaları dayandırmaq qərarına gəlib.

“Shell” məsələ ilə bağlı qəzetə şərh verməkdən imtina edib.

Qəzza zolağında Fələstin-İsrail münaqişəsinin şiddətlənməsindən sonra Yəməndəki husi üsyançıları İsrail ərazisinə hücumlar həyata keçirəcəyini və Fələstində əməliyyatlar dayandırılana qədər gəmilərin Qırmızı dəniz və Bab əl-Məndəb boğazı sularından keçməsinə icazə verməyəcəklərini bildiriblər. ABŞ Silahlı Qüvvələrinin Mərkəzi Komandanlığının hesablamalarına görə, husilər keçən il noyabrın ortalarından bəri Qırmızı dənizdə 20-dən çox mülki gəmiyə hücum edib.

Yanvarın 12-nə keçən gecə ABŞ və Britaniya silahlı qüvvələri təyyarə, gəmi və sualtı qayıqlardan istifadə edərək Yəmənin bir sıra şəhərlərində husilərin hədəflərinə hücum edib. ABŞ Prezidenti Co Bayden bildirib ki, zərbələr husilərin Qırmızı dənizdə misli görünməmiş hücumlarına cavabdır və müdafiə xarakteri daşıyır. Aviazərbələrin hədəfləri raketlərin və dronların yerləşdiyi yerlər, həmçinin husilərin radiolokasiya stansiyaları olub.


© Materiallardan istifadə edərkən hiperlinklə istinad olunmalıdır