"Abeskun" teploxodu Volqa-Xəzər dənizi kanalında saya oturub
Filanovski yatağı - Həştərxan limanı marşrutu ilə hərəkət edən "Abeskun" quru yük gəmisi Volqa-Xəzər dənizi kanalının 158 km-də saya oturub.
“Seanews.az” Rusiya Fövqəladə Hallar Nazirliyinin Həştərxan vilayəti üzrə baş idarəsinin məlumatına istinadən xəbər verir ki, heyəti 8 nəfərdən ibarət gəmidə xəsarət alan yoxdur. Neft məhsullarının sızması aşkar edilməyib və kanalda hərəkət pozulmayıb.
Artıq “Tarpan” yedək gəmisi "Abeskun" teploxoduna kömək etmək üçün yola düşüb.
© Materiallardan istifadə edərkən hiperlinklə istinad olunmalıdır
