"Rahat" bayraqlar narahat edir
Kuk adaları, Palau, Sierra Leone və Toqonun bayraqları ilə üzən 1000-dək gəmi qarşıdakı iki ay ərzində Aralıq dənizində Beynəlxalq Nəqliyyat İşçiləri Həmkarlar İttifaqı Federasiyasının (ITF) müfəttişləri tərəfindən dənizçilər həmkarlar ittifaqları və liman idarələri nümayəndələrinin iştirakı ilə gəmilərin təhlükəsizliyi, texniki xidmət və heyətlərin rifahı ilə bağlı hərtərəfli yoxlamadan keçəcək.
“Seanews.az” xəbər verir ki, son iki ildə sahibləri tərəfindən atılmış 100-dən çox gəminin heyət üzvünə ödənilməmiş milyonlarla dollarlıq əmək haqqı borcları var.
"Aralıq dənizində keyfiyyətsiz dəniz üzgüçülüyü dənizçilərin əmək haqqını və iş şəraitini pisləşdirir, heyətin həyatını təhlükəyə atır və ətraf mühitə təhlükə yaradır. Bu bayraqlarla üzən gəmilərin çoxu köhnədir və sahibləri tərəfindən pis təmir olunur. Üstəlik, bir çox gəmilər təhlükəlidir və ticarət üçün istifadə edilməməlidir”, - deyə ITF-in təftiş koordinatoru Steve Trousdale bildirib.
