Ninbo-Çjouşan limanı yük dövriyyəsinə görə dünyada liderliyini qoruyur
2025-ci ilin yanvar-aprel aylarında Çinin dəniz və çay limanlarının yük dövriyyəsi əvvəlki illə müqayisədə 3,7% artaraq 5,75 milyard tona çatıb. Apreldə bu göstərici 1,53 milyard ton olub ki, bu da illik müqayisədə 4,8% artım deməkdir.
“Seanews.az” Çin Xalq Respublikasının Milli Statistika Bürosuna istinadən xəbər verir ki, dəniz (kabotaj) limanlarının yük dövriyyəsi 1,9% artaraq 3,7 milyard ton təşkil edib. Aprel ayında dəniz limanlarının yük dövriyyəsi illik müqayisədə 2,8% artaraq 964,57 milyon ton olub.
Daha əvvəl bildirilmişdi ki, Çinin Ninbo-Çjouşan limanı ardıcıl 16-cı ildir yük dövriyyəsinə görə dünyada lider olaraq qalır: 2024-cü ildə liman 1,37 milyard ton yük aşırıb. Limanın konteyner dövriyyəsi ötən il 11% artaraq 39,3 milyon TEU təşkil edib.
Qeyd edək ki, 2024-cü ildə Çinin dəniz və çay limanlarında 17,6 milyard ton yük aşırılmışdı ki, bu da 2023-cü illə müqayisədə 3,7% artım demək idi.
